Emigrantët shqiptarë që jetojnë në Gjermani kanë shumë vite që presin që ky shtet të njohë patentat shqiptare.
Por, e ditur bëhet se kësaj pritjeje shumë shpejt do i vij fundi. Mësohet se Gjermania do të njohë patentat e lëshuara nga Shqipëria, por edhe Kosova.
Korrespondentja e Deutsche Welles në Berlin, Anila Shuka ka thënë për Top Channel se Shqipëria nga ana e vetë i ka plotësuar detyrat qysh në janar të vitit të kaluar.
Më tej ajo ka thënë:
Njohja e lejeve të drejtimit të automjeteve, ose siç quhet ndryshe ,patentat, ka disa etapa verifikimi. Shqipëria nga ana e saj i ka plotësuar detyrat qysh në janar të vitit të kaluar.
Kurse ambasadori i Shqipërisë në Berlin, Artur Kuko ka thënë:
Procesi tashmë ka filluar, ne i kemi përcjellë autoriteteve gjermane një formular të plotësuar nga fillimi deri në fund lidhur me mënyrën dhe kërkesat që aplikohen në Shqipëri për pajisjen me leje drejtimi të automjetit, autoritetet gjermane po bëjnë verifikimin në të gjithë shtetet e republikës federale gjermane për të parë se sa janë në përputhje kriteret që aplikon Shqipëria dhe në përfundim të procesit unë jam besim plot se do të arrijmë në ekuivalentimin e lejeve të republikës së Shqipërisë dhe Republikës Federale të Gjermanisë.”
Kurse Anila Shuka më tej ka thënë se për momentin nuk është e mundur që emigrantët ta japin provimin në shqip.
Ajo është shprehur kështu:
Për momentin jo: sepse numri i shqiptarëve nuk është aq i madh sa ta justifikojë përkthimin e provimit në shqip. Por ambasadorët e kanë bërë të tyren dhe i kanë kërkuar para ca kohësh në një nismë të përbashkët qeverisë gjermane që ndërkohë të fusë edhe shqipen te gjuhët e provimit.’’
