Holanda rrezikon lëvizjen e lirë të shqiptarëve në zonën “Shengen”. Parlamenti miratoi një mocion që
udhëzon qeverinë t’i kërkojë Komisionit Europian që të nisë procedurat për pezullimin e liberalizimit të vizave. Me anë të një deklarate, kuvendi njofton dhe arsyet e këtij vendimi, që u mbështet nga një maxhorancë e madhe.
“Pasi dëgjuam diskutimet e shumta, duke vënë në dukje se ka pasur një rritje të ndjeshme të aktiviteteve kriminale nga mafia shqiptare në Holandë; ndërsa këto organizata kriminale keqpërdorin mundësinë për të udhëtuar pa viza përmes Europës dhe të zgjerojnë më tej rrjetin e kontrabandës, i kërkojmë qeverisë të paraqesë kërkesën në Komisionin Europian për të filluar procedurën e frenimit emergjent të lëvizjes pa viza për Shqipërinë”
Parlamenti i Holandës
Pavarësisht mocionit të miratuar, ligjvënësit holandezë kanë ritheksuar se kjo kërkesë nuk do të gjejë mbështetje në BE pasi Shqipëria ende i përmbush kushtet për liberalizimin e vizave.
