Gazetari investigativ, Artan Hoxha, ka bërë një deklaratë shokuese, teksa ka zbardhur detaje të reja nga grabitja e 10 milionë eurove në Rinas.
Në studion e Report Tv, gazetari Hoxha është shprehur se “koka” e kësaj grabitjeje spektakolare, Admir Murataj, ka marrë një predhë në kokë.
Sipas tij, nëse ai nuk do të kishte maskë, do t’i ishte hapur e gjithë kafka. Sa i takon vrasjes së tij, ai ka thënë se duhet të presim ekspertizën për ta vërtetuar, nëse predha ka dalë nga armët e policisë.
“Admir Murataj e ka plumbin në kokë, nëse nuk do të kishte pasur maskën, goditja e predhës do t’i kishte shkaktuar hapjen e kafkës. Për shkak të maskës, nuk ndodhi kjo, por fytyra dhe koka e tij ka qenë e dëmtuar. Duhet pritur ekspertiza për të kuptuar nëse predha ka dalë nga armët e policisë, nëse ajo predhë nuk ka dalë nga armët e policisë, ka dyshime të forta për vrasjen e tij”, ka theksuar Hoxha.
