Botuesi i gazetës Liberale Henri Çili i ftuar në emsionin “Tempora” në RTV Ora ka thënë se kryeministri Edi Rama kur erdhi në qeveri nisi një cikël reformist, që sipas tij ka dështuar.
Çili: Rama nisi një cikël reformist. Bëri reformën territoriale, reformën e institucioneve. Përpjekja reformiste e Ramës ka përfunduar. Ka dështuar.
Sipas tij, kryeministri Rama konkuron dhëmbë për dhëmbë me populizmin e tij, për t’i dhënë jetë një faze politike, “Rama 3”.
Çili: Rama është në faza anullimi. Anullohet prishet. Ka braktisur bindjet e tij. Sot është një Kryeministër që qeveriset nga sondazhet e ky është populizëm. Kryeministri konkuron dhëmbë për dhëmbë me populizmin e tij, për ti dhënë jetë një “Rama 3”, si fazë politike dhe konceptuale. Ai mori instrumentat e duhura një vit e gjysmë pas marrjes së mandatit të dytë., por sot Rama e ka braktisur ciklin reformist dhe i është futuar të gjitha mënyrave për të qëndruar në pushtet dhe në këtë moment ka zgjedhur mënyrën populiste. Mua më duhet të shoh sot një Ramë në në fazën e tij të 3, populist.
