Gjykata e Krimeve të Rënda ka pranuar kërkesën e Prokurorisë për të gjykuar çështjen.
Saimir Tahiri dhe Jaeld Çela kërkuan gjykim të shkurtuar pa pranuar fajësinë. Sa i përket kërkesës për gjykim të shkurtuar, Tahiri dhe Jaeld Cela kanë kërkuar pushim të dosjes, por nëse dosja kalon për gjykim kërkojnë të bëhet me kohë të shkurtuar.
Në dalje nga seanca, ish-ministri i Brendshëm përsëriti edhe njëherë se nuk ka lidhje me çështjen, ndërsa thotë se ka kërkuar që çështja të mos zvarritet.
“Seanca zgjati kaq shumë pasi të gjithë kishin gjëra për të thënë lidhur me atë që parashtruan prokurorët. Tani shkojmë në gjykim dhe ky është një shans për mua për të treguar atë që kam thënë gjithmonë. Nuk dua të merrem me llojin e seancës, me llojin e akuzës. Në respekt të një sistemi që kam kontribuuar dhe unë nuk dua të komentoj këtë vendim. Unë kërkova që gjykimi të mos jetë një histori zvarritje e pafund. Unë kam shumë më shumë për të pretenduar se Prokuroria. Duhet të saktësoni që unë do të vazhdojë të argumentoj atë që kam pretenduar që nga fillimi që nuk kam pikën e lidhjes me këtë çështje”, tha Tahiri.
