Momente të dhimbshme e të prekshme ka pasur gjatë rezistencës së banorëve, teksa një grua shtatzënë 5 muajshe është përplasur me efektivët e policisë. Në një moment, policia shoqëron bashkëshortin e gruas, të cilin tentojnë ta fusin në automjetin e policisë. Në këtë moment, djali i tyre dhe vetë gruaja shtatzënë kanë kundërshtuar, duke bërë që kjo e fundit të lirojë të shoqin nga duart e policëve.
Më tej, ajo ka rrëqethur me rrëfimin e saj, teksa tha se Zoti do shohë për atë që po i bëjnë asaj dhe fëmijës:
“Askush s’do t’ia dijë për ne. Sot ne vetëm Zoti na shpëton, vetëm ai mund të bëjë një mrekulli. Deputeti i zonës Pandeli Majko thotë s’kam ça bëj se normale është pjesë e tyre. Unë jam shtatzënë, 5 muajshe. Po më bëjnë një dëm të madh, unë nuk ju bëj gjë por ja kam lënë Zotit të madh”, tha banorja, duke shkaktuar përlotjen e një prej gazetarëve së pranishëm.
/ Tirana Today
