Pas djegies së mandateve të opozitës, por daljes kundër tyre të Rudina Hajdarit dhe protestave që po zhvillohen çdo javë paralele me seancën plenare, ka reaguar edhe vëllai i Azem Hajdarit, Sali Hajdari.
Në një postim në Facebook, Sali Hajdari ndonëse nuk i ka hyrë në brendësi situatës ku ndodhet sot politika në vend, shkruan se familja e tij është mësuar me të tilla fushata sulmesh, që vranë edhe Azem Hajdarin e që tani po i bëhen edhe mbesës së tij për përjashtim nga partia, vetëm sepse nuk u bashkua me pjesën dërrmuese të PD-së.
Sali Hajdari i ka bërë thirrje ish-kryeministrit Sali Berisha dhe kreut aktual të demokratëve, Lulzim Basha që të lidhin “qentë” që kanë lëshuar kundër Rudinës. Ai pohon se nëse familja Hajdari ka ndonjë borxh e ka për shokët e Azemit dhe jo për politikën që e vrau atë.