Pas shumë vitesh në Tring, Xhani Shqerra ka nisur një eksperiencë të re në ekranin e Klan Plus. Ai na shoqëron çdo të shtunë në orën 19:00 me emisionin Bel Mondo dhe duket se ky format i shkon shumë. I ftuar në NRG Radio, Xhani ka folur rreth arsyes së largimit të tij nga Living dhe jo vetëm kaq, por ka treguar edhe për marrëdhënien e tij me Arjonin, i cili ka zënë vendin e Xhanit në “My Living”. Ai është shprehur se nuk e ka parë më emisionin, por ka shtuar se ndihet mirënjohës ndaj Tring dhe Vizion Plus.
“Një nga arsyet më të mëdha për të mos bërë më “My living” ka qënë fakti i konsumimit të një konteksti të atillë. Çdo gjë ka një përfundim. Unë thjesht vendosa të largohesha në momentin që s`kisha çfarë të jepja më shumë. Tring dhe Vizioni mua më kanë dhënë shumë, e para më kanë hapur dyert dhe iu jam mirënjohës jo vetëm tani, por gjithë jetën. Thjesht doja të bëja diçka ndryshe, pata një propozim, të cilin e kam analizuar mirë para se ta ndërmerrja”, -ka treguar Xhani.
Për sa i përket mënyrës se si e sheh Arjonin, ai është shprehur: “Arjoni ka gjithë mbështetjen time si artistikisht si personale. Nuk e di si opo ndihet aty, por uroj që ai realisht të gjejë veten.”
