Sot Kendall Jenner është një ndër modelet më të kërkuara në botë. Ajo ka qenë pjesë e kopertinave të revistave më prestigjoze dhe të shumtë janë fotografët që do të dëshironin të punonin me të. Por me siguri, ju nuk e keni ditur që dikur Kendall është fotografuar nga fotografi i njohur shqiptar Fadil Berisha. Modelja ka qenë vetëm 14 vjeçe kur ka realizuar setin e parë fotografik dhe ka qenë pikërisht Berisha ai që e ka realizuar.
“Seti i parë fotografik i Kendall Jenner në moshën 14-vjeçare. Ne punuam bashkë për 5 vite dhe pas kaq kohësh jam krenar për të”, -ka shkruar Fadil Berisha përkrah fotos së modeles. Në këtë foto Kendall ka qenë ende e vogël, megjithatë nuk ka ndryshuar shumë.
