Iryna Dvoretska, studentja ukrainase e mjekësisë, 21 vjeçare, vdiq e ngrirë në dëborë, pasi e përzunë nga autobusi sepse nuk kishte biletë. Ishte ora 4 e mëngjesit në veri të Ukrainës dhe termometri shënonte -20 gradë.
Por, shoferi i autobusit, Oleg Zhelinskiy, nuk ka dëgjuar justifikimet e saj duke e lënë në mes të rrugës së ngrirë.
Pasi zbriti ng autobusi, Irina tentoi të arrinte në fshatin më të afërt rreth katër milje më tutje, në orën 4 të mëngjesit. Ajo ishte përpjekur të merrte një rrugë mes për mes pyllit për të arritur në fshatin më të afërt. Sipas mediave lokale, Iryna u nis nga fshati i saj, Rudnya-Knochynska për të vizituar nënën e saj të sëmurë në një spital në Olevsk të Ukrainës veriore.
Trupi i pajetë u gjet dy ditë më pas nga i ati. Ndërsa ndaj shoferit që e la në të ftohtë vajzën kanë nisur hetimet.
