Linda Rama, bashkëshortja e kryeministrit Edi Rama ka dhënë dorëheqjen nga organet drejtuese të “American Bank of Investment”, e njohur edhe si “ABI Bank”.
Dorëheqja e Linda Ramës nga Këshilli Mbikqyrës i bankës është bërë më datë 26 dhjetor të vitit të kaluar dhe është publikuar në datë 9 janar nga Qendra Kombëtare e Biznesit.
Po në të njëjtën datë, është larguar edhe anëtari tjetër i Këshillit, Richard Steele Lukaj.Bashkëshortja e kryeministrit Edi Rama ka qenë gjithmonë në qendër të akuzave të opozitës për pastrim parash dhe investime të dyshimta të oligarkëve rusë përmes kësaj banke. Akuzat kulmuan sot në seancën plenare ku degjeneruan edhe në fjalor banal.
