Adelina Tahiri ka qenë në ftuar në emisionin “Mama`s Show”, ku ka folur për jetën karrierën dhe martesën e saj. Sigurisht që kjo e fundit ka qenë ndër temat më të diskutuara dhe Adelina e ka vuajtur shumë këtë gjë duke qenë se i është dashur të përballet me komente nga më të ndryshmet. Megjithatë, ajo ka treguar se është ballafaquar me këtë gjë dhe se ishte e aftë të hiqte dorë nga shumë gjëra për bashkëshortin, përfshirë këtu familjen dhe karrierën.
“Unë nuk jam nacionaliste, unë jam patriote. E dua kombin tim dhe i respektoj kombet e tjera dhe fetë e tjera, por pikë së pari respektoj fenë time dhe burrin tim, i cili nuk më ndryshon asgjë. Sigurisht që dëshira e familjes time dhe imja ishte të martohesha me një shqiptar, dikë të fesë time, të moshës timë. Do të ishte diçka e përkryer, por Zoti nuk të jep gjithmonë përkryerje. Kam qenë e gatshme të mos flas me familjen apo të le mënjanë karrierën, që të jem me personin që unë dua”, -ka thënë me bindje Adelina.
Po ashtu, ajo ka treguar se njerëzit e kanë arritur deri aty sa ta kërcënojnë me jetë dhe kjo ka qenë edhe arsyeja pse nuk e ka publikuar të birin. Për Adelinën është shumë e vështirë edhe ta kujtoj këtë gjë dhe teksa e tregon përlotet. “Kam pasur kërcënime nga shqiptarë, nga maqedonas, kam pasur kërcënime me jetë, kam pasur kërcënime për fëmijën tim. Për këtë arsye nuk e publikoja fëmijën. Ka qenë shumë e vështirë. Nuk dua të flas se ndihem shumë keq kur e kujtoj. Nuk e di a është mëkat të duash dikë?” –ka thënë ajo.
