Një shqiptar është gjetur i pajetë këtë të dielë në burgun e Koridhalosit në kryeqytetin grek, Athinë.
Sipas mediave greke shqiptari identiteti i të cilit nuk bëhet i ditur rreth moshës 33-vjeç është gjetur pa shenja jete.
Policia greke bën me dije se mbi trupin e viktimës nuk janë gjetur shenja dhune, por hetuesit dyshojnë se viktima ka marrë dozë të lartë droge. Ndërkohë trupi i tij u dërgua për ekspertizë mjeko-ligjore.
33-vjeçari ishte i burgosur për përfshirjen e tij në trafikun e drogës.
