Universitetet janë në kaos të plotë. Në disa fakultete bëhet mësim e në të tjerë vijon bojkoti dhe ngujimi i studentëve. Edhe pedagogët kanë dalë krah tyre duke kërkuar ndryshimin e ligjit të Arsimit të Lartë.
Por ministria e Arsimit nuk ka bërë asnjë koment për situatën në shkollat e larta.
Në daljen e parë publike nga dikasteri që tashme drejton, ministria e arsimit Besa Shahini ka refuzuar të flasë për situatën në universitete dhe kërkesën e përsëritur nga studente e pedagoge për ndryshimin e ligjit të Arsimit të Lartë.
Ndërkohë, deri mesditën e se enjtes senati i universitetit nuk ka arritur ti japë zgjidhje situatës së krijuar në fakultetet e tij e as të dalë me vendime konkrete.
Burime për A2news bëjnë të ditur se një grup studentësh të drejtësisë kërkuan ndërhyrjen e rektorit Mynyr Koni për rifillimin e mësimit. Mëngjesin e së premtes rektori pritet të shkojë në fakultetin e drejtësisë i bllokuar prej javësh nga studentët e ngujuar.
