I shumëkërkuari Klement Balili, i ashtuquajturi “Eskobari i Ballkanit” është arrestuar në Vlorë.
Balili është shpallur në kërkim nga dhjetori i vitit 2016. Ndaj tij rëndon akuza e trafikut ndërkombëtar të drogës, pastrimit të parave si dhe kultivimit të narkotikëve, dhe krijimit të grupit të strukturuar kriminal.
Balili ka patur edhe poste në administratën shtetërore, si drejtor i Drejtorisë Rajonale të Transporteve.
Ndërkohë, lajmi është konfirmuar edhe nga ministri i Brendshëm, Sandër Lleshaj në një konferencë për mediat. Në ndryshim sa u raportua fillimisht, Lleshaj u shpreh se Klement Balili është vënë në pranga policia dhe nuk është dorëzuar.
Pavarësisht këtij arrestimi, Lleshaj u shpreh se operacioni do të vazhdojë për të vënë pas hekurave të tjerë persona.
