Asgjë nuk ka përfunduar nga misioni i protestës studentore, që rifillon menjëherë pas pushimeve të dimrit në Universitetin ‘Fan.S. Noli’ të Korçës.
Që nga dita e hënë rreth orës 08.00 të mëngjesit, në ambjentet e këtij Universiteti pritet tubimi studentëve dhe vazhdimi i protestës në kërkim të plotësimit të kërkesava të parashtruara prej tyre.
Protesta pritet të rinisë pranë fakultetit ekonomik të Universitetit. Kjo bëhet e ditur nga kryetari i keshillit të studentëve Hansi Kapllani.
Ai nuk sqaroi nëse protesta do të ketë manifestim si demostrimet e mëparshme në unazën e brendëshme të qytetit dhe para institucioneve kryesore. Kapllani tha se mbi ecurinë e protestës do të mësohet më tepër mëngjesin e së hënës.
