Një ngjarje e rëndë ka tronditur qytetin e Elbasanit mbrëmjen e së shtunës, ku tre persona janë vrarë në afërsi të metalurgjisë, në lagjen “Katund i Ri”.
Gazetari i A2, Julian Kasapi raporton se ngjarja ka ndodhur rreth orës 21:15 kur mbi një automjet që ishte në lëvizje është qëlluar me breshëri automatiku.
Sipas policisë, makina në të cilën udhëtonin Arben Dylgjeri, shtetasi me inicialet E.K. dhe Indrit Alibeaj u qëllua nga një tjetër automjet.
Viktimat lëviznin me një makinë me targa italiane. Nga të dhënat e para dyshohet “luftë” mes bandash.
Policia ka ngritur edhe disa postblloqe në pikat kyçe të qytetit për kapjen e autorëve. Ndërsa mësohet se drejt Elbasanit janë nisur dhe forcat RENEA.
