Tabelat emërtuese të rrugëve që simbolizojnë nderim për figurat më të shquara të Korçës si qytet dhe rajon vazhdojnë të zhgarraviten me bojë të zezë. Sidomos ato tabela të vendosura në një lartësi të aritëshme nga dora e atyre që kryejnë këtë argëtim përdhosës. Kësaj furrie të zezë me imazh damkosës për qytetin nuk I ka shpëtuar as tabela me emrin e atdhetarit Petro Nini Luarasi.
Në unazën e sipërme të një prej lagjeve më të njohura të qtetit, jo vetëm kjo tabelë rruge por edhe të tjera janë njollosur turpshëm. Dihet se Petro Nini Luarasi është shkishëruar si ndëshkim për gjuhën shqipe dhe përhapjen e saj.
Ende sot e kësaj dite figura e këtij patrioti mban mallkimin e shkishërimit, të cilës I shtohet edhe nxirja e emrit në një prej rrugëve të Korçës. Petro Nini Luarasi la amanet ti mbledhin gjakun se do t’u duhet fëmijëve të shkruajnë gjuhën shqipe, jo bojën e zezë që mohon emrin e tij prej shqiptari të madh.
korcareport.com
