Hana ka përshëndetur botën dhe të gjithë rrjetin social. Të paktën të gjithë miqtë e mamit dhe të babit në llogaritë e tyre personale. Mozzik dhe Loredana janë bërë sot prindër për herë të parë.
Edhe pse çifti u përpoq që periudhën e pritjes së ëmbël ta kalonin në privatësi të plotë, kohët e fundit, barku i dukshëm i Loredanës dhe paparacët që gjendeshin në kohën dhe vendin e duhur e bënë të pamundur që sekreti të ruhej deri në fund.
Sot, Mozzik dhe Loredana janë shumë të lumtur. Duket edhe nga të dyja dedikimet që i kanë bërë vajzës në rrjet pak pasi ajo ka përshëndetur botën.
Në fillim ishte Mozzik ai që postoi foton e parë të vajzës në Instagram bashkë me dedikimin dhe emocionin e parë për të bijën dhe pas tij, edhe Loredana për ndjesinë që i solli statusi tjetër dhe më i bukur i jetës: “Vajza ime Hana është këtu… Dua të them se jam njeriu më i lumtur në botë. Nuk e di cili është qëllimi juaj në jetë, por i imi gjithmonë ka qenë familja. Kam punuar gjatë gjithë këtij viti, ndërkohë që Hana ishte në barkun tim dhe unë s’kam dashur t’ju them se po kaloj diçka tjetër. Faleminderit Zotit dhe cilitdo që më ka bërë të ndihem mirë gjatë shtatzënisë, edhe pse shumë nga ju nuk e dinin”, – shkruan Loredana në llogarinë e saj.
