Më në fund, aktori i njohur Chris Pratt ka bërë publike lidhjen me Katherine Schwarzenegger, të bijën e Arnold Schwarzenegger. Ai dhe shkrimtarja 29-vjeçare janë parë shpesh në shoqërinë e njëri-tjetrit, por kanë vendosur ta bëjnë marrëdhënien publike vetëm tani, me rastin e ditëlindjes së saj. Pratt ka postuar një kolazh fotosh në Instagram, të shoqëruar me një urim të veçantë, ku i ka shprehur të gjithë dashurinë dhe mirënjohjen partneres së tij.
“Gëzuar ditëlindjen Shefe. Buzëqeshja jote ka ndriçuar dhomën. Jam shumë i lumtur për kohën që kemi kaluar bashkë dhe që Zoti të vendosi në rrugën time. Ndihem falenderues për të qeshurat, puthjet, bisedat, dashurinë dhe kujdesin”, -ka shkruar Chris në Instagram. Konfirmimi i kësaj marrëdhënieje vjen pas më shumë se 1 viti që aktori i dha fund martesës 8-vjeçare me Anna Faris, me të cilën ka edhe një djalë.
