Redi Fino, djali i deputetit të njohur të PS-së, Bashkim Fino, i ka dhënë fund beqarisë ditën e djeshme në një ceremoni private me miq të ngushtë e të afërm. Edhe pse Redi ka një profil të ulët publik, kjo ngjarje nuk mund të kalonte nga vëmendja e mediave.
Megjithatë, shkak u bë bashkëshortja e Redit, Edlira, pas postimit të disa fotove që ndau me miqtë e saj në Facebook. “Kur ëndrrat bëhen realitet… 12/12/2018. Dashuria ime Redi Fino”,- shkruan Edlira në postimin e saj.
Ceremonia e martesës është mbajtur në tarracën e njërit prej hoteleve në qendër të Tiranës. Të ftuar ishin edhe miq e kolegë të deputetit Fino.
