Katër persona kanë rënë në prangat e policisë pasditen e kësaj të premteje, pasi u është gjetur dhe sekuestruar 1 kg kokainë.
Ndalimi i tyre është bërë në sajë të operacionit të koduar “FLEX”, ku pas kontrollit të ushtruar është gjetur 1 kg kokainë brenda një çante ‘Guçi’.
Sipas policisë në prangat e policisë kanë rënë shtetasit; Julian Zela, 36 vjeç, Sajmir Hoxha 44 vjeç, Besnik Mansaku 43 vjeç dhe Rezart Hoxholli 36 vjeç.
Ndalimi i këtyre shtetasve në rrugën “Janko Theodhosi”, ku gjatë kontrollit të shtuar, shtetasit J. Z., i është gjetur brenda një çante dore një qese me lëndë të dyshuar narkotike të llojit “kokainë”. Gjithashtu janë ushtruar kontrolle në banesat e këtyre shtetasve ku janë sekuestruar një palë pranga dhe një mjet prerës.
Në këtë operacion është sekuestruar në total 1 kg lëndë narkotike e dyshuar e llojit “kokainë”, mjet prerës (thikë), 4 aparate celular dhe pranga
