Korçë / Makina që shpërfytyroi çiftin, me shpejtësi të madhe (Foto)

492

Një çift bashkëshortësh kanë humbur jetën si pasojë e një aksidenti automobilistik në aksin nacional Korçë-Pogradec.

Çifti i bashkëshortëve ende i paidentifikuar janë përplasur nga një automjet tip fuoristradë në afërsi të fshatit Poceste.

Sipas të dhenave paraprake ata kanë dalë nga një rrugë dytësore kur fuoristrada me targa Aa 244 NE e drejtuar nga shtetasi S. N 63 vjeç i ka përplasur. Në momentin e përplasjes çifti ka tentuar të kalojë nga njëri krah i rrugës në tjetrin kur janë goditur nga mjeti i cili lëvizte nga Korça në drejtim të Pogradecit.

Çifti është transportuar menjëherë në spital ndërkohë që kanë ndëruar jetë sapo kanë mbëritur atje. Burime të rezervuara thanë se dyshohet që drejtuesi i mjetit ka qenë tej normale të lejuara të shpejtësisë, por edhe errësira në rrugë ka ndikuar si shkak për aksidentin.

Ndërkohë pak kohë më parë një tjetër aksident është regjistruar në urën e Maliqit ku një i ri humbi jetën, pasi ra në lumë ndërkohë që më herët një baba me vajzën e tij 6 vjeçe humben jetën teksa ishin duke ecur në trotuar.