Protesta e sotme e banorëve të Astirit, të cilët kërkojnë të dëmshpërblehen për shtëpitë që do t’u prishen, u shoqërua me incidente të shumta.
Pas shuarjes së tensioneve dhe mbarimit të protestës, u arrestuan disa persona ndërsa të plagosur mbetën 12 punonjës policie dhe 3 protestues.
Pas kësaj kryeministri Edi Rama ka shkuar në spitalin e Traumës, për të vizituar policët e plagosur, një prej të cilëve u tha se humbi katër gishtat e dorës.
Por një incident ka ndodhur në hyrje të spitalit, ku Rama është pritur nga familjarët e protestuesve të lënduar.
Disa prej tyre i kanë bërtitur në kor:
Turp, turp, turp.”
Por situata precipitoi për një moment, pasi një prej protestuesve qëlloi Ramën me mjete të forta, por ishte punonjësi i sigurisë, i cili devijoi sendin.
Pas kësaj ngjarje ai është shoqëruar në polici.
