Policia e Vlorës në bashkëpunim me Prokurorinë kanë bërë të mundur sekuestrimin e disa pasurive që rrjedhin nga burime jo të ligjshme në këtë qytet, pasuri që në total kapin vlerën 360 mijë euro.
Hetimet u përqëndruan ndaj shtetasit J.J, si person i dyshuar për kryerjen e veprës penale “Pastrimi i produkteve të veprës penale ose veprimtarisë penale”.
Gjykata e Shkallës së Parë Vlorë, ka caktuar masën e sigurimit pasuror sekuestro preventive mbi pasuritë e mëposhtme te shtetasit me iniciale J.J :
▪2 apartamente banimi në lagjen “10 Korriku” Vlorë
▪2 ambiente shërbimi – dyqan, në lagjen “Pavarësia” Vlorë
▪2 vende parkimi në lagjen “Pavarësia” Vlorë
▪6 garazhe të ndryshme në lagjen “10 Korriku” Vlorë
▪1 automjet tip BMW.
Dyshohet se pasuritë e sekuestruara janë përfituar si pasojë e veprimtarive të shtetasit J.J në fushën e prodhimit dhe shitjes së lëndëve narkotike.
Policia e Shtetit po vijon punen per gjurmimin, evidentimin dhe sekuestrimin e aseteve qe rrjedhin nga veprimtari kriminale.
