Kanë kaluar 3 ditë nga emërimi në detyrë i Sandër Lleshit si zv/ministër i Brendshëm. Po atë ditë, Lleshi dha urdhrat e para për punonjësit e institucionit që drejton, por edhe të policisë.
Mësohet se numri dy i komanduar në Ministrinë e Brendshme ka miratuar një urdhëresë me 19 pika për etikën e punonjësve të Policisë së Shtetit, e cila mban firmën e zv/drejtorit për Sigurinë Publike, Dhimitraq Ziu.
Por ajo që bie në sy është pika 8 e urdhëresës ku thuhet se punonjësit e policisë në mbipeshë të cilët në dokument quhen “barkderra” do bëjnë shërbim vetëm në vende të padukshme, kjo për të mbajtur larg syrit të opinionit publik, paraqitjen jo estetike të tyre.
Në tërësinë e tyre, detyrat lidhen me etikën e punonjësit të policisë nga paraqitja e jashtme, uniforma e rregullt, por edhe për rritjen e efiçencës në kryerjen e detyrës me efikasitet siç është parandalimi i ngjarjeve kriminale. Vëmendje i kushtohet zonës së bllokut ku pas ngjarjes së fundit kriminale, policia ka rritur dukshëm prezencën e saj.
