Liv erdhi në jetë në muajin Maj të këtij viti, me misionin për t’i ndryshuar tërësisht jetën prindërve të saj, Eno Popit dhe Atena Palit. Ata vendosën që ta lindnin vajzën e tyre në Shtetet e Bashkuara të Amerikës, ndërkohë që moderatori i njohur shqiptar nuk u shkëput për asnjë moment nga angazhimet e tij në Top Channel. Prej ditës kur e bija erdhi në shtëpi, babi Eno e ka shijuar plotësisht çdo moment të qëndrimit me të, por është treguar shpesh i rezervuar në deklaratat e tij publike për prindërimin.
Ndoshta, këtë herë arsyet kanë qenë të nxitura nga ftuarat në emisionin që ai moderon “Dilema”, që edhe ai të shprehet për faktin e të qenit baba i një vajze. Në një nga puntatat e fundit të “Dilema”, një nga pjesëmarrësit kishte marrë të bijën me vete dhe natyrshëm që kjo e afroi prezantuesin edhe më shumë me figurën e tij si prind i ri dhe si baba i një vajze.
Në këtë moment ka qenë Eno që i kërkoi konkurrentes që t’i sugjeronte disa filma me princa dhe princesha sepse i duhen për Liv. Ndërkohë, që dha përkufizimin më të bukur për të bijën: “Vajzat janë sherbet”, u shpreh ai.
