Lajmi që nji mik me dërgoi sot nade ne mëngjes për emnimin e Gjeneral Sandër Lleshit në detyrën e Ministrit të Brendshëm e tashma i konfirmuem në media, më gëzon jashtëzokonisht shumë e duhet të gëzojë cdo shqiptarë vullnetmirë.
Mbas emnimit të Prokurores të përgjithshme, pjesë e bashkësisë katolike, me Sandër Lleshin komuniteti jonë përfaqësohet në qeveri me nji cilësi të epërme dhe ky fakt asht dëshmi e situatës shumë delikate që po kalon vendi dhe nevojës me vendos në vende kyqe persona me integritet moral, properëndimor në gen e kulturë e profesionalisht të aftë.
Historia e Sandër Lleshit, përfshi ajo e pak viteve ku shkarkohet prej detyrës së Zv/Shefit të Shtabit të Ushtrisë prej modelit otoman e komunist që akoma asht në nyjet e pushtetit, asht historia e njerëzve të ndershëm të këtij vendit që kurrë nuk kane ba kompromis me të keqën dhe jane sulmue e margjinalizue. Ministri i parë katolik shqiptar mbas luftës së dytë botnore, i palidhun me bandat kriminale e tarafe otomane, shpresoj të jetë shkëndija e shpresë se ai vend do të bahet e baza e sigurt për nji përfaqësim dinjitoz të katolikëve, pa kontributin e të cilëve nuk ka progres në Shqipni. Edhe nji herë urime Gjeneral Sandër Lleshit.
