Elhaida Dani publikon këngën e re me këngëtarin australian .

523

Këngëtarja e njohur Elhaida Dani ka publikuar projektin më të fundit muzikor. Disa ditë më parë ajo lajmëroi fansat e saj në profilin e “Instagram”-it se shumë shpejt do të publikonte një këngë të re.

“Yayyyyy !!!! Kjo tregon që tashmë bota është kaq e vogël … Nga Kanadaja në Australi krijuam një këngë që e dua shumë dhe mezi pres t’jua tregoj”, shkruante Elhaida pak kohë më parë kur njoftoi publikimin e këngës në tetor.

Dje, Elhaida ka prezantuar për publikun klipin e saj të ri me titull: “Let it go” që vjen në bashkëpunim me këngëtarin australian Nathaniel, i njohur për pjesëmarrjen e tij në “X Factor Australia”.

“Më në fund “Let It Go” është publikuar! Uroj ta pëlqeni”, shkruan këngëtarja shqiptare në rrjetin social “Instagram”.