Neymar ka vendosur që të largohet nga Paris Saint Germain për t’u kthyer në Spanjë.
Kështu shkruajnë mediat sportive spanjolle të premten. Sipas tyre, sulmuesi brazilian e ka ndarë mendjen që në sezonin e ardhshëm të luajë për Realin ose Barcelonën.
Në fakt, dëshira e tij është që të bashkohet sërish me shokët e tij në skuadrën katalanase, por nëse nuk është e mundur kjo gjë, atëherë ai nuk e ka problem edhe transferimin në Madrid.
Neymar duket se është penduar shumë shpejt për largimin nga Barcelona dhe kontrata faraonike që ka nuk e kënaq aspak.
Gjithsesi, është shumë e vështirë që drejtuesit e PSG ta lënë të lirë kaq lehtë, sidomos duke marrë parasysh se ka një kontratë afatgjatë që nuk mund të prishet në mënyrë të njëanshme.
