Edhe pse kjo javë ka nisur me temperatura më të ulëta nga javët e tjera, sipas Meteoalb sot temperaturat do të shkojnë deri në 0 gradë në zonat malore.
Prandaj për të gjithë ata që dalin herët nga shtëpia, të vishen trashë.
Por Meteoalb njofton gjithashtu se këto temperatura do të jenë vetëm për sot, pasi të premten, të shtunën dhe të dielën temperaturat do të rriten ndjeshëm duke shënuar maksimumin deri në 27 gradë celsius.
E enjte, 25 tetor: moti do të jetë me kthjellime dhe vranësira të pakta në zonat malore. Era do të jetë me drejtim Veriperëndim (NW) me shpejtësi 10 m/sek në bregdet. Valëzimi do të jetë i forcës 4 lartësi vale 1,0 deri në 1,5 metër në det të hapur. Temperaturat do të jenë me rënie.
