Studiuesit francezë kanë përshkruar marrëdhënien midis ushqimeve të përpunuara dhe kancerit. Ata i kanë klasifikuar këto produkte, përkatësisht ëmbëlsirat, pulat dhe bukët, si “ultra të përpunuara”. Studimi përfshiu 105.000 njerëz. Doli, sa më shumë që këto produkte të konsumohen, aq më i madh është rreziku i zhvillimit të kancerit.
Dihet tashmë se abuzimi me këto produkte rrit rrezikun e zhvillimit të kancerit. Organizata Botërore e Shëndetësisë thotë se mishi i përpunuar pakëson rrezikun e zhvillimit të kancerit.
Por, ç’të themi për produktet ultra të përpunuara?
Universiteti i Sorbonës në Paris ka përdorur rishikime të produkteve të ndryshme për të gjetur se çfarë njerëzit po hanin.
Rezultatet treguan se nëse sasia e ushqimeve ultra të përpunuara në dietë u rrit me 10%, rreziku i zhvillimit të sëmundjeve, si kanceri, u rrit me 12%.
Këto rezultate sugjerojnë se një rritje në konsumimin e ushqimeve ultra të përpunuara do të çojë në një rritje të sëmundjes në dekadat e ardhshme, shpjeguan hulumtuesit.
Por ata thanë se rezultatet duhet të “konfirmohen nga studime dhe eksperimente të tjera në shkallë të gjerë”.Është gjithashtu interesante që njerëzit të cilët hanin shumë ushqime ultra të përpunuara paraqitën forma të tjera sjelljesh të lidhura me kancerin.
Ata kanë më shumë gjasa të pijnë duhan, janë më pak aktivë, konsumojnë më shumë kalori në përgjithësi dhe marrin më shpesh kontraceptivë oralë.
Njerëzit duhet të përfshijnë më shumë fruta, perime dhe fibra në dietën e tyre.
Profesor Tom Sanders tha se bukët e prodhuara në masë klasifikohen si ultra të përpunuara, por buka që bëhet në shtëpi ose nga një furrë lokale nuk është në asnjë mënyrë e dëmshme.
