Sydney, një aplikacion që iu ofron personave tw verbër një hartë mendore falë një teknologjie audio tre-dimensionale që përdor zërin dhe tinguj për të ndihmuar personin të dijë se ku është dhe çfarë ndodhet rreth tij.
Quhet Soundscape dhe është projektuar dhe zhvilluar në Australi, në partneritet midis organizatës jofitimprurëse ‘Vision Australia’ dhe grupit ‘Artificial Intelligence and Research’të Microsoft.
Përdoruesi ve kufjet dhe ka qasje në aplikacion nëpërmjet telefonit celular. Kjo gjithashtu komunikon praninë e rrugëve dhe kryqëzimeve ndërsa personi ecën.
Menaxheri teknologjisë së ‘Vision Australia’, David Woodbridge, tha se Soundscape ndihmon përdoruesit të ndërtojnë një kuptim të hapësirës në të cilën lëvizin, duke i lejuar ata të bëjnë zgjedhjet e tyre të navigimit.
“Sidoqoftë, qëllimi nuk është që të zëvendësojë qenin udhëzues ose bastunin- thekson ai – por të lejojë që personi të lëvizë në mënyrë më të natyrshme”. Objekti, shton ai, është “të lidhet në mënyrë intuitive me mjedisin, duke e lejuar atë të kryejë detyra të tjera dhe të ndërveprojë me njerëzit e tjerë”
