Acarohet drejtoresha, ja qytetet më problematike
Gati gjysma e institucioneve në qarkun e Gjirokastrës për 28 vjet nuk kanë dorëzuar asnjë dokument në arkivën e Shtetit! Shqetësimin e ngriti drejtori i Arkivave vendore, duke theksuar se kjo është në shkelje të plotë të ligjit!
140 nga 320 institucione në qarkun e Gjirokastrës nuk kanë dorëzuar prej 28 vitesh asnjë dokument në Arkivën e Shtetit!
Drejtori i Arkivave Vendore në Drejtorinë e Përgjithshme të Arkivave të Shtetit, Pashk Alia ngriti këtë shqetësim pas inspektimit të arkivave lokale!
“Janë 160-180 institucione që nuk kanë dorëzuar asnjë dokument në arkiv. Pra jemi në shkelje të ligjit prej 28 vitesh”, është shprehur Pashk Alia.
Duke theksuar se kjo që ka ndodhur është në shkelje të plotë të ligjit, Ai tha se punonjësit e arkivave kanë vjedhur shtetin duke marrë rrogën pa kryer punën.
“I ve emër tjetër sepse ka marrë rrogë pa punuar. Në këtë rast vjedh shtetin me fyerjen e titullarit”, vijoi Alia.
Prej gati 7 muajsh Gjirokastra nuk ka më një arkivë shtetrore. Ky institucion u largua nga ky qytet në kaudër të ristrukturimit në katër pika arkivore! Zyra lokale ndërkohë funksionon vetëm si depo arkivore për grumbullimin e dokumenteve që më pas dërgohen në qendër.
