Policia e Shtetit njoftoi se një pushues në Durrës ka humbur jetën si pasojë e një ataku kardiak. Bëhet fjalë për 81 vjecarin, Vangjel Nakuçi, ish pilot dhe Komisar i Helikopterëve.
Nakuçi ishte ndër pilotët e parë të trajnuar në Rusi, dhe ka shërbyer si Komisar për rreth 25 vite në regjimentin e Farkës, duke lënë gjurmë si një ndër pilotët më të aftë dhe të respektuar të kohës.
Në datë 28 Gusht, Shoqata e Aviatorëve organizon homazhe në Ministrinë e Mbrojtjes, në nderim të ish pilotit, ku do të marrin pjesë familjarë dhe personalitete nga fusha e aviacionit. Shoqata e Aviatorëve njofton se homazhet do të kryhen në orën 10:00.
