Ndërsa Papa Françesku po përgatitet për të mbajtur meshën për gjysmë milion besimtarë në Dublin të dielën pasdite, mijëra njerëz pritet të dalin në rrugë për të protestuar kundër abuzimit seksual të priftërinjve.
Ngjarja vjen pas skandaleve të lidhura me Kishën që përfshinë globin.
Ishte një pritje ndyrshe, dhe një Irlandë ndryshe në vizitën e fundit papale në vitin 1979, kur Papa Gjon Pali II u përshëndet si një yll roku në Phoenix Park nga gati një e treta e popullsisë së vendit.
Në afro katër dekada që kanë kaluar, Irlanda është bërë një vend shumë më pak katolik si në aspektin social ashtu edhe në atë ligjor. Votuesit irlandezë kanë hequr ndalimin e divorcit, martesën e të njëjtit seks dhe së fundmi, abortin.
Dhe pjesëmarrja në kishën e Irlandës është zvogëluar nga 90% në rreth 30%, pas zbulimit të abuzimeve seksuale nga institucionet katolike që vazhdojnë të dëmtojnë autoritetin e saj moral dhe të zvogëlojnë ndikimin e saj.
Të shtunën, Papa kërkoi përsëri falje për abuzimin seksual ndaj fëmijëve në Kisha. Ndërsa kryeministri irlandez Leo Varadkar bëri thirrje për “zero tolerancë” kundër priftërinjve që kanë ndërmarrë këto veprime.
