Një pjesë e Orikumit ka ngelur pa energji elektrike pas prishjes së shtyllës së tensionit.
Ngjarja ka ndodhur mëngjesin e së dielës në Radhimë të Vlorës, ku një makinë ka goditur shtyllën e tensionit të mesëm, pjese e fiderit 3.
Sikurse shihet përmes fotove, dëmet kanë qenë të rënda, ndërsa për drejtuesin e mjetit nuk ka ende një informacion rreth gjendjes së tij, pasi punonjësit e OSHEE nuk kanë gjetur njeri në makinë.
OSHEE Vlorë mori masat për riparimin e dëmit dhe aktualisht zona e Orikumit furnizohet me energji elektrike.
