8 të vdekur është bilanci i masakrës së ndodhur pasditen e sotme në fshatin Resulaj të Selenicës në Vlorë.
Edhe pse deri tani nuk ka dhëna lidhur me ngjarjen, mësohet se një 24-vjeçar, Ridvan Zykaj ka qëlluar mbi disa persona, ku ka lënë në vdekur 8 persona dhe 7 të plagosur.
Nga të dhënat e para, dyshohet se shkak i kësaj të ngjarje është bërë një konflikt për pronë, ndërsa forca të shumta policie janë nisur drejt fshatit.
Burime të 55News.al bëjnë me dije se autori i kësaj maskare fshihet në një banesë në fshat, ndërsa forcave RENEA dhe forcave të tjera të policisë, u është bërë e qartë se nëse ai nuk dorëzohet, ai të qëllohet.
Njoftimi i Policisë
Më datë 10.08.2018, në fshatin Resulaj, Selenicë, shtetasi Ridvan Zykaj, 24 vjeç, për motive ende të paqarta ka vrarë me armë zjarri 8 persona nga dy familje te fisit Zykaj.
Autori pas krimit është larguar ku forca të shumta të Policisë, Renea, Delta Forcë, Fnsh, dhe forcat e Drejtorisë Vendore të Policisë Vlorë janë vënë në ndjekje dhe po krehin zonën për të bërë të mundur kapjen e tij.
Grupi hetimor nën drejtimin e Prokurorit ndodhet në vendngjarje dhe po punon për zbardhjen e plotë të rrethanave të ngjarjes.
